2017 წლის 6 აპრილს, 17 საათზე აკაკი წერეთლის სახელობის ქალაქ ბათუმის საჯარო ბიბლიოთეკაში ჩატარდა თემურ თურმანიძის წიგნის „სწავლა-აღზრდისა და სწავლების შესახებ“ წარდგენა. წიგნი მიმოიხილეს პედაგოგმა რამინ ბახტაძემ და წიგნის რედაქტორმა პროფესორმა აკაკი ზოიძემ.
წიგნის აღმზრდელობით ღირებულებაზე ისაუბრეს პოეტმა დავით თედორაძემ, რესურს ცენტრის უფროსმა გოჩა დავითაძემ, მე-8 საჯარო სკოლის დირექტორმა გივი ხალვაშმა, მე-9 საჯარო სკოლის დირექტორმა ნუგზარ სურმანიძემ და პედაგოგებმა. ამავე სკოლის მოსწავლეებმა წაიკითხეს თემურ თურმანიძის ლექსები.
ავტორმა მადლობა გადაუხადა სტუმრებს და უპასუხა დასმულ შეკითხვებს.