ბიბლიოთეკას საჩუქრად გადაეცა გამომცემლობა COLLINS-ის მეორე განახლებული გამოცემა ,,BIRD GUIDE''
27 ოქტომბერს USAID ეკონომიკური უსაფრთხოების პროგრამის ხელმძღვანელობამ და აჭარის არ ტურიზმისა და კურორტების დეპარტამენტმა საჯარო ბიბლიოთეკას საჩუქრად გადასცა გამომცემლობა COLLINS-ის მეორე განახლებული გამოცემა ,,BIRD GUIDE''.
--------------------
ტექსტისა და თანდართული რუქების ავტორია ლარს სვენსონი, ხოლო ილუსტრაციები შესრულებულია კილიან მალერმისა და დენ ცეტერშტრომის მიერ.
წიგნი მოიცავს დეტალურ ინფორმაციას 3500-ზე მეტი სახეობის გადამფრენი ფრინველის შესახებ. აღწერილია ფრინველთა ვიზუალური მხარე: ზომა, შეფერილობა, ასევე მათი მაიდენტიფიცირებულეი სხვა მონაცემები და ხმა. გარდა ამისა, წიგნში წარმოდგენილია ინფორმაცია ფრინველთა რეპროდუქციის, გამოზამთრებისა და მიგრაციის შესახებ. სახელმძღვანელო უდავოდ დიდ დახმარებას გაუწევს თემით დაინტერესებულ მკითხველს.
აჭარაში გადამფრენ ფრინველებზე გიდის ტრენინგი განხორციელდა USAID ეკონომიკური უსაფრთხოების პროგრამის მხარდაჭერითა და საქართველოს ეკოტურიზმის ასოციაციის მონაწილეობით.
სასტუმრო „კასტელო მარეში“ აჭარის არ ტურიზმისა და კურორტების დეპარტამენტმა პარტნიორ ორგანიზაციებთან ერთად სერტიფიკატები გადასცა გადამფრენ ფრინველებზე დაკვირვების გიდის ტრენინგ-კურსის მონაწილეებს.
ღონისძიების ფარგლებში ბათუმის სახელმწიფო უნივერსიტეტსა და ბათუმის საჯარო ბიბლიოთეკას საჩუქრად გადაეცა სახელმძღვანელოები.
