ბათუმში მცხოვრები უკრაინელი მოსწავლეებისთვის შექმნილი ახალი კლუბი "სონიაშნიკ"
"სონიაშნიკ" ბათუმში მცხოვრები უკრაინელი მოსწავლეებისთვის შექმნილი ახალი კლუბია, რომლის ფარგლებშიც მოსწავლეებს უფასო ინგლისური ენისა და STEM გაკვეთილებს სთავაზობენ.
პროგრამა ა.შ.შ-ის საელჩოს მიერ ფინანსდება და პირველ ეტაპზე ის სამი თვის განმავლობაში გაგრძელდება.
უკრაინელ მოსწავლეებთან ერთად ჯგუფებში ქართველი პატარებიც გაწევრიანდნენ. ახალგაზრდები ახალ მეგობრებს შეიძენენ და სახალისო გარემოში შეისწავლიან მათთვის ბევრ ახალ მასალას.
კლუბის ფარგლებში წარმოდგენილი აქტივობები მოსწავლეების შემოქმედებითი და კრიტიკულად აზროვნების უნარების განვითარებას შეუწყობს ხელს.
----------------------
შეხვედრებს ბათუმის საჯარო ბიბლიოთეკის საბავშვო-ახალგაზრდობის განყოფილება მასპინძლობს.
