ბულგარულ-ქართული ლექსიკონის პრეზენტაცია
დღეს აკაკი წერეთლის სახელობის ქალაქ ბათუმის საჯარო ბიბლიოთეკაში გაიხსნა ფოტო გამოფენა ბულგარული ,,ანბანი და ისტორია“, ასევე გაიმართა პირველი, ორენოვანი ბულგარულ-ქართული ლექსიკონის პრეზენტაცია, რომელიც მოიცავს ორივე ენის ძირითად აქტიურ ლექსიკას - სემანტიკურ, სიტყვათწარმოებით და გრამატიკულ ასპექტში. გამოფენა და ლექსიკონი დამთვალიერებელს ბულგარეთის რესპუბლიკის საგანგებო და სრულუფლებიანმა ელჩმა საქართველოში დესისლავა ივანოვამ წარუდგინა.
საჯარო ბიბლიოთეკაში ასევე გამოიფინა წიგნად ფონდში დაცული ბულგარულენოვანი ლიტერატურა და ბულგარელი ავტორების ქართულენოვანი თარგმანები.
ღონისძიების ფარგლებში გაიმართა ბათუმის კულტურის ცენტრის სიმებიანი კვარტეტის კონცერტი.