საქართველოს ბიბლიოთეკების კვირეული - 2021, სლოგანით ,,ბიბლიოთეკა, ყველგან სადაც ხარ“ გაიხსნა
დღეს, საქართველოს ბიბლიოთეკების კვირეული - 2021, სლოგანით ,,ბიბლიოთეკა, ყველგან სადაც ხარ“ გაიხსნა.
ბათუმის საჯარო ბიბლიოთეკა, კვირეულის ფარგლებში, გამოფენას ,,ქართული წიგნი“ მასპინძლობს.
გამოფენაზე წარმოდგენილია ბიბლიოთეკის წიგნად ფონდში დაცული ქართველ ავტორთა ნაწარმოებები ჰაგიოგრაფიიდან თანამედროვე მწერლობამდე.
გამოფენა ,,ქართული წიგნი“ დაათვალიერა ბათუმის მერმა, არჩილ ჩიქოვანმა და მკითხველს წიგნის საერთაშორისო დღე მიულოცა.
არჩილ ჩიქოვანი ასევე გაეცნო ,,საქართველოს ბიბლიოთეკების კვირეულში“ დაგეგმილ ღონისძიებებს. მერმა ბიბლიოთეკასა და ბიბლიოთეკარებს პროფესიული დღეები მიულოცა და წარმატებები უსურვა.
