იდეების რეგისტრაციის ვადის ამოწურვამდე სულ ცოტა დრო რჩება

 

 ამ საინფორმაციო ბიულეტენში გიზიარებთ ძირითად კრიტერიუმებს, რასაც „შენი იდეა ბათუმს“ ფარგლებში დარეგისტრირებული იდეა უნდა აკმაყოფილებდეს:

 

✔ იდეის ფარგლებში დაგეგმილი ღონისძიებები უნდა ხორციელდებოდეს ქ. ბათუმის ადმინისტრაციულ საზღვრებში;

✔ იდეით გათვალისწინებული ღონისძიებები უნდა ექცეოდეს მუნიციპალიტეტის უფლებამოსილების ფარგლებში;

✔ იდეის ბიუჯეტი არ უნდა აღემატებოდეს მონაწილეობითი ბიუჯეტირების ფარგლებში განსაზღვრულ პროექტის დაფინანსების მაქსიმალურ ოდენობას, რაც ამ ეტაპზე 1 მილიონ ლარს შეადგენს;

✔ იმ შემთხვევაში, თუ იდეის ფარგლებში დაგეგმილი ღონისძიებები მოიცავს ინფრასტრუქტურულ სამუშაოებს, ქონება უნდა იყოს მუნიციპალიტეტის საკუთრებაში.

✔ განაცხადის ფორმა სრულყოფილად უნდა იყოს შევსებული;

✔ იდეა უნდა ემსახურებოდეს საზოგადოებრივი სიკეთის შექმნას;

✔ იდეა არ უნდა იყოს დაფინანსებული წინა წლებში ქ. ბათუმის მუნიციპალიტეტის ბიუჯეტიდან, არ უნდა იყოს სხვა პროექტის ანალოგიური ვერსია, ასევე არ უნდა არღვევდეს საავტორო უფლებებს.

 

 იდეების რეგისტრაცია მიმდინარეობს ვებ-გვერდზე www.idea.batumi.ge 30 სექტემბრის ჩათვლით

 

შემოგვიერთდით  ერთად გავხადოთ ბათუმი უკეთესი ქალაქი

---

მონაწილებითი ბიუჯეტის პროექტს "შენი იდეა ბათუმს" ახორციელებს ბათუმის მერია და მუნიციპალური სერვისების სააგენტო აშშ საერთაშორისო განვითარების სააგენტოს (USAID/Georgia) დემოკრატიული მმართველობის ინიციატივის პროგრამის GGI და სამოქალაქო საზოგადოების ინსტიტუტის (CSI) მხარდაჭერით