უცხოეთის უნივერსიტეტების წარმომადგენლების ვიზიტი ქალაქ ბათუმის საჯარო ბიბლიოთეკაში
2019 წლის 15 მაისს, 12 საათზე აკაკი წერეთლის სახელობის ქალაქ ბათუმის საჯარო ბიბლიოთეკას სტუმრად ეწვივნენ ვროცლავის ფიზიკური აღზრდის საუნივერსიტეტო სკოლის, ალექსანდრა სტულგინსკის უნივერსიტეტის, კვიძინის უნივერსიტეტის, სილეზიის ტექნოლოგიური უნივერსიტეტისა და რენე 1-ის უნივერსიტეტის პროფესორები. მათი ვიზიტის ინიციატორი და მასპინძელი გახლავთ ბათუმის შოთა რუსთაველის სახელობის უნივერსიტეტის წარმომადგენელი, ქალბატონი ნანა ყურშუბაძე. ბათუმის საჯარო ბიბლიოთეკის დირექტორმა, ქალბატონმა ინგა გოგიბერიძემ კოლეგებთან ერთად საპატიო სტუმრებს წიგნად ფონდში დაცული უძველესი გამოცემები წარუდგინა, გააცნო ქართული დამწერლობის და ბეჭდური გამომცემლობების ისტორია საქართველოში და მომავალი ურთიერთანამშრომლობის სურვილი გამოთქვა.
